نیوزی لینڈ نے کائل جیمیسن سمیت باؤلرز کی عمدہ کارکردگی کی بدولت بھارت کو پہلے ورلڈ ٹیسٹ چیمپیئن شپ کے فائنل میں 8 وکٹوں سے شکست دے کر ٹیسٹ چیمپیئن بننے کا اعزاز حاصل کر لیا۔
انگلینڈ کے شہر ساؤتھ ہیمپٹن کے روز باؤل اسٹیڈیم میں کھیلا گیا ورلڈ ٹیسٹ چیمپیئن شپ کا فائنل بارش سے متاثر رہا اور باران رحمت کے سبب پہلے دن ٹاس بھی نہ ہو سکا۔
میچ کے دوسرے دن نیوزی لینڈ نے ابر آلود موسم میں ٹاس جیت کر پہلے باؤلنگ کا فیصلہ کیا جو درست ثابت ہوا۔
اوپنرز نے بھارت کو پہلی اننگز میں 62 رنز کا آغاز فراہم کیا لیکن پھر یکے بعد روہت شرما اور شبمان گل دونوں بالترتیب 34 اور 28 رنز بنا کر چلتے بنے۔
‣ Jamieson’s five-for
‣ Conway’s quality half-century
‣ Two important wickets for IndiaDay 3 of the #WTC21 Final was an engaging affair. Relive the action 👇 pic.twitter.com/4DYSODCP8B
— ICC (@ICC) June 21, 2021
ویرات کوہلی کے 44 اور اجنکیا راہانے کے 49 رنز کی بدولت بھارت نے پہلی اننگز میں 217 رنز بنائے، بھارت کی آخری پانچ وکٹیں صرف 35 رنز کے اضافے سے گریں۔
نیوزی لینڈ کے کائل جیمیسن نے تباہ کن باؤلنگ کرتے ہوئے 31 رنز کے عوض 5 وکٹیں حاصل کیں جبکہ نیل ویگنر اور ٹرینٹ بولٹ نے دو، دو وکٹیں اپنے نام کیں۔
نیوزی لینڈ کو بھی اوپنرز نے 70 رنز کا آغاز فراہم کیا اور ڈیون کونوے کے 54 اور کین ولیمسن کے 49 رنز کے ساتھ ساتھ ٹیل اینڈرز کی بھرپور معاونت کی بدولت نیوزی لینڈ نے 249 رنز بنا کر پہلی اننگز میں 32رنز کی برتری حاصل کی۔
Plenty of wickets on the third day of the ICC World Test Championship Final, but in between all that was some gorgeous batting, and a few emotions.
Your @OPPOIndia Batting Highlights for the day 👇 pic.twitter.com/5eoR8pky0x
— ICC (@ICC) June 20, 2021
بھارت کی جانب سے محمد شامی نے 4 اور ایشانت شرما نے 3 کھلاڑیوں کو آؤٹ کیا۔
🔹 Williamson’s resilience
🔹 Shami’s fiery spell
🔹 Southee’s skillsDay five of the #WTC21 Final had us on the edge of our seats. It’s all set up beautifully for the final day! pic.twitter.com/xRmfRAQDiU
— ICC (@ICC) June 23, 2021
دوسری اننگز میں بھارتی بیٹنگ لائن مزید ناکامیوں سے دوچار رہی اور ٹاپ آرڈر بلے باز کچھ بھی کرنے سے قاصر رہے جس کے نتیجے میں پوری ٹیم 170 رنز پر ڈھیر ہو گئی، ریشابھ پنت نے ڈراپ کیچ کی بدولت 41 رنز کی اننگز کھیلی جبکہ روہت شرما 30 رنز کے ساتھ دوسرے نمایاں بلے باز رہے۔
دوسری اننگز میں ٹرینٹ بولٹ نے 4، ٹم ساؤدھی نے 3 اور جیمیسن نے دو وکٹیں اپنے نام کیں۔
بھارت نے ورلڈ ٹیسٹ چیمپیئن شپ میں فتح کے لیے نیوزی لینڈ کو 139 رنز کا ہدف دیا جس کے تعاقب میں کیوی اوپنرز 44 رنز تک پویلین لوٹ چکے تھے جس سے بھارت کی میچ میں واپسی کی موہوم سی امید پیدا ہوئی۔
On a good day for New Zealand, the @bookingcom Best Wickets is dominated by Blackcaps.
Relive them here 👇#WTC21 | #INDvNZ pic.twitter.com/LBMFMxAbz1
— ICC (@ICC) June 23, 2021