انگلینڈ نے پاکستان کو دوسرے ون ڈے میچ میں 52 رنز سے شکست دے کر سیریز میں 0-2 کی فیصلہ کن برتری حاصل کر لی۔
لارڈز میں کھیلے گئے سیریز کے دوسرے میچ میں بابر اعظم نے ٹاس جیت کر پہلے انگلینڈ کو بیٹنگ کی دعوت دی۔
انگلینڈ کی اننگز کا آغاز کچھ اچھا نہ تھا اور ڈیوڈ ملان کھاتا کھولے بغیر ہی دوسرے اوور میں حسن علی کی وکٹ بن گئے جبکہ زیک کرالی بھی بغیر کوئی رن بنائے شاہین شاہ آفریدی کو وکٹ دے بیٹھے۔
Oh my 😍 @PhilSalt1
Scorecard/clips: https://t.co/pJT1fTmoFf
🏴 #ENGvPAK 🇵🇰 pic.twitter.com/IDihgYQyOo
— England Cricket (@englandcricket) July 10, 2021
21 رنز پر دو وکٹیں گرنے کے بعد فل سالٹ کا ساتھ دینے جیمز ونس آئے اور دونوں نے عمدہ کھیل پیش کرتے ہوئے ابتدائی نقصان کا ازالہ کردیا اور تیسری وکٹ کے لیے 97 رنز کی شراکت قائم کی۔
اس شراکت کا خاتمہ اس وقت ہوا جب سعود شکیل نے 60 رنز بنانے والے سالٹ کی وکٹیں بکھیر دیں جبکہ ونس بھی نصف سنچری بنانے کے بعد پویلین لوٹ گئے۔
Watch out 🏏💥 Stokesy’s about!
Scorecard/clips: https://t.co/pJT1fTmoFf
🏴 #ENGvPAK 🇵🇰 pic.twitter.com/n4AJQ1uZPl
— England Cricket (@englandcricket) July 10, 2021
100واں ون ڈے میچ کھیلنے والے بین اسٹوکس اور جان سمپسن نے مل کر اسکور کو 156 تک پہنچایا لیکن اس مرحلے پر حسن علی نے بہترین اسپیل کرتے ہوئے انگلش بیٹنگ لائن میں تباہی مچا دی۔
انہوں نے پہلے 22 رنز بنانے والے قائم مقام انگلش کپتان کو چلتا کیا اور پھر اگلے اوور میں سمپسن اور کریگ اوورٹن کی وکٹیں حاصل کر کے پاکستان کی پوزیشن کو مستحکم کردیا۔
Hasan Ali has turned this game around.
Scorecard/clips: https://t.co/pJT1fTmoFf
🏴 #ENGvPAK 🇵🇰 pic.twitter.com/d4rZJ6skxA
— England Cricket (@englandcricket) July 10, 2021
160 رنز پر 7وکٹیں گرنے کے بعد ایسا محسوس ہوتا تھا کہ جلد ہی انگلش ٹیم کی بیٹنگ لائن سمٹ جائے گی لیکن لوئس گریگری اور بریڈن کارس نے عمدہ بیٹنگ سے پاکستان کے ارمانوں کو خاک میں ملا دیا۔
دونوں کھلاڑیوں نے مشکل حالات میں 59 رنز کی شراکت قائم کر کے اپنی ٹیم کی معقول مجموعے تک رسائی میں اہم کردار ادا کیا، گریگری 40 اور بریڈن کارس 31 رنز بنانے کے بعد حارث رؤف کی وکٹ بنے۔
حسن علی نے 247 کے مجموعی اسکور پر ثاقب محمود کی وکٹ حاصل کر کے انگلینڈ کی اننگز کا خاتمہ کرنے کے ساتھ ساتھ میچ میں 5 وکٹیں لینے کا اعزاز بھی حاصل کر لیا۔
پاکستان نے اننگز کا آغاز کیا تو امام الحق لگاتار دوسرے میچ میں ناکامی سے دوچار ہوئے اور صرف ایک رن بنانے کے بعد پویلین لوٹ گئے۔
Textbook 👌
Scorecard/clips: https://t.co/pJT1fTmoFf
🏴 #ENGvPAK 🇵🇰 pic.twitter.com/C7TpH3LEai
— England Cricket (@englandcricket) July 10, 2021
کپتان بابر اعظم نے چار چوکے لگائے لیکن ان کی 15 رنز کی اننگز لگاتار دوسرے میچ میں ثاقب محمود کے ہاتھوں اختتام کو پہنچی جبکہ ان کے نائب محمد رضوان بھی صرف 5 رنز بنا سکے۔
فخر زمان حد سے زیادہ دفاعی انداز میں نظر آئے اور 45 گیندوں کا سامنا کرنے کے بعد 10 رنز بنا کر کریگ اوورٹن کو وکٹ دے بیٹھے۔
Got him! ☝
Saqib gets Babar again 👏
Scorecard/clips: https://t.co/pJT1fTmoFf
🏴 #ENGvPAK 🇵🇰 pic.twitter.com/nIZLSjASqc
— England Cricket (@englandcricket) July 10, 2021
صہیب مقصود نے 2 چھکوں کی مدد سے 19 رنز بنائے لیکن موقع کی مناسبت کو سمجھ نہ سکے اور صرف 19 رنز بنا کر چلتے بنے۔
شاداب خان اور نوجوان سعود شکیل نے 29 رنز جوڑے ہی تھے کہ لیگ اسپن آل راؤنڈر کی اننگز بھی اختتام کو پہنچی جبکہ فہیم اشرف بھی صرف ایک رن بنا سکے۔
118 رنز پر 7 وکٹیں گرنے کے بعد سعود شکیل کا ساتھ دینے حسن علی آئے جنہوں نے میدان میں آتے ہی چوکے چھکوں کی برسات کردی۔
میچ میں پانچ وکٹیں لینے والے باؤلر نے بلے سے بھی خوب رنگ جمایا اور 3 چھکے اور دو چوکوں کی مدد سے 31 رنز بنائے لیکن بریڈن کارس نے ان کی اس اننگز کے آگے فل اسٹاپ لگا دیا۔
Genius Simmo! 😍 👐
Scorecard/clips: https://t.co/pJT1fTmoFf
🏴 #ENGvPAK 🇵🇰 pic.twitter.com/SW5bamQBUP
— England Cricket (@englandcricket) July 10, 2021