کشمیر پریمیئر لیگ (کے پی ایل) 2021 کے پہلے سیزن کے فائنل شاہد آفریدی کی قیادت میں راولاکوٹ ہاکس نے محمد حفیظ کی کپتانی میں کلھیلنے والی ٹیم مظفر آباد ٹائیگرز کو 7 رنز سے شکست دے کر چمپیئن بننے کا اعزاز حاصل کیا۔
آزاد کشمیر کے دارالحکومت مظفرآباد میں کھیلے جارہے کے پی ایل کے فائنل میں مظفر آباد ٹائیگر نے ٹاس جیت کر پہلے باؤلنگ کا فیصلہ کرتے ہوئے راولا کوٹ ہاکس کو پہلے بیٹنگ کی دعوت دی۔
راولا کوٹ ہاکس کے اوپنرز بسم اللہ خان اور عمر امین نے 53 رنز کا آغاز فراہم کیا اور بالترتیب 30 اور 23 رنز کی اننگز کھیلی۔
Bismillah Khan starting the #SRGKPL final with a BANG 💥 #KPL21 #KheloAazadiSe pic.twitter.com/kIr54jvPFq
— Kashmir Premier League (Official) (@kpl_20) August 17, 2021
صاحبزادہ فرحان نے 28 رنز بنا کر اوپنرز کی کوششوں کو آگےبڑھایا، تاہم حسین طلعت صرف 5 رنز پر آؤٹ ہوئے۔
پہلے میچ میں شان دار سنچری بنانے والے کاشف علی نے 5 چوکوں اور 3 چھکوں کی مدد سے 54 رنز کی اننگز کھیلی اور ٹیم کا اسکور 157 رنز تک پہنچایا۔
راولا کوٹ ہاکس نے مقررہ اوورز میں 7 وکٹوں پر 169 رنز بنائے۔
مظفرآباد ٹائیگرز کے باؤلر اسامہ میر اور کپتان محمد حفیظ نے 2،2 وکٹیں حاصل کیں۔
مظفرآباد ٹائیگرز کے اوپنرز نے بھی جارحانہ آغاز کیا اور ابتدائی 5 اوور میں 50 رنز بنائے تاہم کپتان محمد حفیظ 54 کے اسکور پر 29 رنز بنا کر آؤٹ ہوئے۔
ذیشان اشرف نے 26 گیندوں پر 4 چوکوں اور 4 چھکوں کی مدد سے 46 رنز کی اننگز کھیل کر ٹیم کو ہدف کا حصول آسان بنادیا لیکن بعد میں آنے والے بلے باز اس سےفائدہ اٹھانےمیں ناکام رہے۔
مظفر آباد ٹائیگرز نے ہدف کے تعاقب میں جارحانہ بیٹنگ کا مظاہرہ کیا اور 9 ویں اوور میں 2 وکٹوں پر 88 رنز بنالیے ہیں۔
صہیب مقصود 15 رنز بنا کر شاہد آفریدی کی ایک خطرناک گیند کا شکار بنےتو سہیل اخبر صرف 2 رنز بنا سکے تاہم سہیل تنویر نے قیمتی 21 رنز بنا کر ٹیم کی امیدیں بحال رکھیں۔
Lala knocks out Zeeshan Ashraf 🎯#KPL21 #KheloAazadiSe #SRGKPL pic.twitter.com/QHkK1aFvG0
— Kashmir Premier League (Official) (@kpl_20) August 17, 2021
محمد وسیم نے اہم مرحلے پر جارحانہ کھیل کا مظاہرہ کیا اور 12 گیندوں پر ایک چوکے اور 2 چھکوں کی مدد سے 22 رنز بنائے مگر عمر امین کی بہترین فیلڈنگ کےباعث رن آؤٹ ہوئے۔
مظفر آباد ٹائیگرز نے مقررہ اوورز میں 9 وکٹوں پر 162 رنز بنائے اور فائنل میں 7 رنز سے شکست کھا گئے۔
RAWALAKOT HAWKS ARE THE WINNERS OF #SRGKPL SEASON 1 🦅🏆🔝
Congratulations, @HawksKPL 👏🏼#KPL21 #KheloAazadiSe pic.twitter.com/F0FTdMXjmW
— Kashmir Premier League (Official) (@kpl_20) August 17, 2021