مظفرآباد (نمائندہ خصوصی) کشمیر پریمئر لیگ کا فائنل کل شب 7 بجے کھیلا جائے گا تاہم شا ئقین کرکٹ کو فائنل میچ دیکھنے کے لیے دوپہر کے بعد تک انتظار کرنا پڑے گا۔ ذرائع کے مطابق سیکورٹی فورسز کی جانب سے مداخلت اور شدید دباؤ کی وجہ سے شائقین کے لیے ٹکٹ بوتھ نہیں کھولے جاسکے۔ اسی طرح کے پی ایل انتظامیہ ٹورنامنٹ کے کامیاب انعقادِ میں بری طرح ناکام رہی۔ اسلام آباد سے درآمد کی گئی ٹیم مکمل نااہل نکلی۔میڈیا کو بھی کوریج کے دوران سخت پریشانی کا سامنارہا۔ نہ بیٹھنے کے لیے کرسیاں موجود تھیں نہ ہی پینے کا پانی میسر تھا جبکہ ریفریشمنٹ اور لنچ ڈنرکہیں نام ونشان تک موجود نہ تھا۔ دریں اثنا میڈیا کوآرڈینیٹرکو بھی کے پی ایل انتظامیہ نے اپنے ذاتی مہمانوں کو انٹرٹین کرنے کے لیے اپنے پاس روکے رکھا اور صحافی برادری پورے ٹورنامنٹ میں بے یار و مددگار رہی ۔خاص طور پر پاکستان سے آئے ہوئے صحافیوں کو ہر لمحے پریشانی کا سامنا رہا۔