انگلینڈ نے کپتان جو روٹ سمیت ٹاپ آرڈر بلے بازوں کی بہترین بلے بازی کی بدولت بھارت کے خلاف تیسرے ٹیسٹ میچ میں 345 رنز کی برتری حاصل کر لی ہے۔
انگلینڈ نے میچ کے دوسرے دن 120 رنز بغیر کسی نقصان کے اپنی پہلی نامکمل اننگز دوبارہ شروع کی تو حسیب حمید کے ساتھ رورے برنز وکٹ پر موجود تھے۔
بھارت کو وکٹ کے حصول کے لیے دوسرے دن زیادہ انتطار نہ کرنا پڑا اور رورے برنز 135 کے مجموعی اسکور پر 61 رنز بنانے کے بعد پویلین لوٹ گئے۔
گزشتہ روز بہترین کھیل پیش کرنے والے نوجوان حسیب دوسرے دن بجھے بجھے نظر آئے اور حد سے زیادہ دفاعی انداز اختیار کرنے کی صورت میں وکٹ گنوا بیٹھے، رویندرا جدیجا نے ان کی 68رنز کی اننگز کا خاتمہ کیا۔
Underway in typical @dmalan29 style.
Scorecard Videos: https://t.co/4J0Svpfv3V#ENGvIND pic.twitter.com/yvq9eQ5iLj
— England Cricket (@englandcricket) August 26, 2021
دو وکٹیں جلد گرنے کے بعد ڈیوڈ ملان کا ساتھ دینے ان فارم کپتان جو روٹ آئے اور دونوں نے ذمے درانہ بیٹنگ کے ساتھ ساتھ تیزی سے اسکور میں اضافہ کرنا بھی شروع کردیا۔
کھانے کے وقفے تک انگلینڈ نے مزید کوئی وکٹ نہ گنوائی اور ان دونوں نے نصف سنچریاں مکمل کرتے ہوئے تیسری وکٹ کے لیے 139 رنز جوڑے۔
A good ball brings to an end a very encouraging innings.
Scorecard/Clips: https://t.co/UakxjzUrcE
🏴 #ENGvIND 🇮🇳 pic.twitter.com/SQgr982lkU
— England Cricket (@englandcricket) August 26, 2021
چائے کے وقفے سے کچھ لمحے قبل محمد سراج نے ڈیوڈ ملان کی 11 چوکوں سے مزین 70 رنز کی اننگز کا خاتمہ کردیا۔
دوسرے اینڈ سے کپتان جو روٹ ڈٹے رہے اور اپنی شاندار فارم کا سلسلہ جاری رکھتے ہوئے لگاتار تیسرے میچ میں سنچری اسکور کی۔
6️⃣ Test centuries this year
3️⃣ hundreds in this seriesA batting genius @root66 🤩
Scorecard/Clips: https://t.co/UakxjzUrcE@IGcom 🏴 #ENGvIND 🇮🇳 pic.twitter.com/v3zCKCnc1s
— England Cricket (@englandcricket) August 26, 2021
بیئراسٹو نے کپتان کے ساتھ 52 رنز جوڑے لیکن 29رنز بنانے والے بلے باز محمد شامی کی گیند پر بھارتی کپتان کوہلی کو کیچ دے بیٹھے جبکہ جوز بٹلر بھی صرف 7رنز بنا سکے۔
بھارت کو دن کی سب سے بڑی کامیابی اس وقت حاصل ہوئی جب 383 کے مجموعی اسکور پر جسپریت بمراہ نے انگلش کپتان کی مزاحمت کا خاتمہ کردیا جنہوں نے 14 چوکوں سے سجی 121 رنز کی خوبصورت اننگز تراشی۔
Another wonderful innings from the skipper comes to an end.
Scorecard/Clips: https://t.co/UakxjzUrcE
🏴 #ENGvIND 🇮🇳 pic.twitter.com/OaxV84hmMd
— England Cricket (@englandcricket) August 26, 2021