اسلام آباد: نیوزی لینڈ کرکٹ ٹیم کی 18 سال بعد پاکستان آمد ہوئی ہے۔
نیوزی لینڈ کرکٹ ٹیم چارٹرڈ فلائٹ کے ذریعے آج اسلام آباد ایئرپورٹ پہنچی ہے۔ نیوزی لینڈ ٹیم ایک روز روم آئیسولیشن میں گزارے گی جبکہ ٹیم کی مقامی ہوٹل میں کورونا ٹیسٹنگ بھی کی جائے گی۔
بایئو سیکورٹی پروٹوکول کے مطابق کسی اجنبی کو مہمان ٹیم سے ملنے کی اجازت نہیں ہے۔ نیوزی لینڈ ٹیم کو ٹریننگ کی اجازت کورونا ٹیسٹ منفی آنے کی صورت میں ہوگی۔
پاک نیوزی لینڈ سیریز کا پہلا ون ڈے میچ 17 ستمبر کو راولپنڈی میں کھیلا جائے گا جبکہ دوسرا 19 اور تیسرا 21 ستمبر کو کھیلا جائے گا۔
پاکستان اور نیوزی لینڈ ٹیم کے درمیان پانچ ٹی ٹوئنٹی مقابلے بھی ہوں گے جو 25، 26 اور 29 ستمبر، یکم اور تین اکتوبر کو شیڈول ہیں۔