پیتل اور المونیم کے ظروف ناپید ہونے کے قریب

کراچی میں صدر کے علاقے میں کئی دہائیوں سے متعدد دکانوں میں پیتل اور المونیم کی ظروف سازی کا نفیس کام کیا جا رہا ہے۔ کسی زمانے میں شہر میں ان دکانوں کی تعداد کافی تھی البتہ وقت کے ساتھ اس میں کمی آئی ہے۔ ان دکانوں میں پیتل اور المونیم کے ظروف پر تمام کام ہاتھ سے کیا جاتا ہے جو مختلف مراحل سے گزر کر کسی شکل میں ڈھلتا ہے پھر اس پر ہاتھ سے نقش نگاری ہوتی ہے۔ آخری مرحلے میں اس پر پالش کی جاتی ہے۔