کراچی ( اسٹاف ر پورٹر)اجمل نصیب ہمدم کرکٹ کلب کے بلامقابلہ صدر اور ساجد انصاری خزانچی منتخب ہوگئے۔پی سی بی کی جانب سے رجسٹرڈ کرکٹ کلبوں کو 15 اکتوبر تک انتخابات کرانے کی ہدایت کی گئی تھی۔ اس سلسلے میں سندھ ریجن کے کلبوں کی جانب سے انتخابات کا اعلان کیا گیاتاہم مختلف عہدوں کے لیے ایک سے زائد امیدوار سامنے نہ آسکے، گزشتہ روز ہمدم کرکٹ کلب کی جنرل باڈی کا اجلاس اجمل نصیب کی رہائش گاہ پر منعقد ہوا۔اجلاس میں ووٹرز اور دیگر ممبران نے شرکت کی۔ اجلاس کے شرکاء نے پی سی بی کے نئے ترمیمی آئین کی توثیق کی۔
