پاکستان فلمز، ڈرامہ،اسٹیج کے معروف اداکار فہد مصطفٰی کو پولیس کے اعزازی خطاب سے نوازا
دیاگیا۔ فلم قائداعظم زندہ باد میں فہد مصطفیٰ کےایس ایچ او گلاب کے کردار کو بے حد مقبولیت ملی
اور ان کے کردار کو سراہتے ہوئے یوم آزادی کے موقع پر اداکار کو ان کی اس کارکردگی پر سندھ
پولیس کی جانب سے آئی جی سندھ غلام نبی میمن نے سنٹرل پولیس آفس کراچی میں ایک سادہ و
پروقار تقریب کے دوران اعزازی خطاب سے نوازا گیا ہے۔
نبیل قریشی کی ہدایتکاری میں بننے والی اس فلم میں اداکار نے اپنےکردار کے ذریعے بدعنوانی، رشوت
ستانی اور دیگر سماجی برائیوں سے پردہ اٹھانے کے علاوہ عوام میں سندھ پولیس کے مثبت کردار کو
بھی اجاگر کرنے کی کوشش کی اور پولیس کی اچھی کارکردگی کو عوام کے سامنے لائے۔
آئی جی سندھ سے ملاقات میں فہد مصطفیٰ نے سندھ پولیس کی کارکردگی اور بہترین نتائج کےحوالے
سے اپنی قیمتی تجاویز شیئر کیں۔۔۔اس اہم موقع پر فہدمصطفیٰ کا کہنا تھا کہ آج مجھے یقین ہے کہ گلاب
نے اپنے سارے بڑے خوابوں کو حاصل کر لیا ہے۔
انہوں نے آئی جی سندھ غلام نبی میمن سے اظہار تشکر کرتے ہوئے کہا کہ یوم آزادی کے موقع پر
مجھے پولیس کے اعزازی خطاب سے نوازنا میرے باعث مسرت اور افتخار ہے۔