لاہور:پاکستان کرکٹ ٹیم کے فاسٹ بولر شاہین آفریدی نے فلسطینی عوام کے لیے خصوصی پیغام جاری کرتے ہوئے اسرائیلی فورسز کے حملوں پر اظہار ہمدردی کیا ہے۔ گزشتہ روز اسرائیلی فوج نے فلسطینی شہر غزہ پر حملہ کیا۔
Believers resemble one body, so that, if any part of the body is not well then the whole body shares the sleeplessness.
We can feel the cruelty being carried out in #MasjidAlAqsa time time again. Remember the oppressed ones.
May Almighty ease their sufferings. Aameen. 🤲
— Shaheen Shah Afridi (@iShaheenAfridi) April 7, 2023
اس سے قبل اسرائیلی فورسز نے بدھ کے روز احتجاج کرنے والے فلسطینیوں پر آنسو گیس پھینکی اور دستی بموں کا استعمال کیا جب کہ چار فلسطینیوں کو گرفتار کر لیا گیا۔
بدھ اور جمعرات کی درمیانی شب درجنوں اسرائیلی فوجیوں نے ایک بار پھر مسجد الاقصیٰ پر دھاوا بول دیا جب کہ اس سے قبل فورسز نے نماز فجر کے لیے آنے والوں کو بھی مسجد میں داخل ہونے سے روک دیا جس کے باعث سینکڑوں افراد مسجد اقصیٰ کے گرد جمع ہو گئے۔ فجر کی نماز ادا کی گئی۔
شاہین آفریدی نے سوشل میڈیا پر اسرائیلی مظالم کا نشانہ بننے والے فلسطینیوں سے اظہار یکجہتی کا بیان جاری کیا۔
شاہین آفریدی نے لکھا کہ ’مومن ایک جسم کی طرح ہوتے ہیں، جسم کا کوئی حصہ ٹھیک نہ ہو تو پورا جسم درد محسوس کرتا ہے، ہم مسجد اقصیٰ میں ہونے والے ظلم کو بار بار محسوس کر سکتے ہیں‘۔
انہوں نے کہا کہ اللہ فلسطینی عوام کی مشکلات آسان فرمائے، آمین۔