کراچی: بھارتی کرکٹ ٹیم کی جرسی پر پہلی بار پاکستان کا نام ہوگا۔
میڈیا رپورٹس کے مطابق ایشیا کپ کے لیے بنائی گئی بھارتی جرسی پر پاکستان کا نام لکھا گیا ہے۔ واضح رہے کہ شوپیس ایونٹ 30 اگست کو پاکستان اور نیپال کے درمیان میچ سے شروع ہو رہا ہے، جو دراصل پاکستان میں طے تھا، تاہم بھارت کی جانب سے ٹیم بھیجنے سے انکار کی وجہ سے ایونٹ کے 4 میچ پاکستان میں اور دیگر سری لنکا میں کھیلے جائیں گے۔
واضح رہے کہ بھارت کے پاکستان کے روایتی حریف ہونے کی وجہ سے اس کی کرکٹ ٹیم کی جرسی پر پاکستان کا نام کبھی نہیں لکھا گیا، تاہم اس مرتبہ ایشیا کپ کا میزبان پاکستان کے ہونے کی وجہ سے بھارت کو مجبوراً اپنی جرسیوں پر ایونٹ کے لوگو کے ساتھ پاکستان کا نام بھی لکھوانا پڑ گیا۔
ایشیا کپ کے دوران بھارتی ٹیم میدان میں ہوگی تو اس کے کھلاڑیوں کی شرٹ پر پاکستان کا نام ہوگا۔ یاد رہے کہ ایشیا کپ میں پاک بھارت میچ 2 ستمبر کو کینڈی میں ہوگا۔
