صدر بائیڈن کا جنگلات کی آگ سےتباہ حال شہر کا دورہ

امریکہ کے صدر جوبائیڈن اور خاتونِ اول جل بائیڈن نے جنگلات کی آگ سے متاثرہ ریاست ہوائی کی ماؤوی کاؤنٹی کا دورہ کیاہے۔ صدر بائیڈن نے متاثرین سے ملاقات کی اور آگ کے باعث تباہ حال علاقے کی صورتحال کا جائزہ لیا۔ ہوائی کےتاریخی شہر لاہائینا میں ہولناک آتش زدگی کے نتیجے میں 114 افراد ہلاک اورانتہائی بڑے پیمانے پر مالی نقصان ہوا ہے۔ صدر بائیڈن نے پیر کو متاثرین سے ہمدردی کا اظہارکرتے ہوئے کہا کہ دکھ کی اس گھڑی میں پوری قوم ان کے ساتھ ہے۔ انہوں نے متاثرین کو وفاقی حکومت کی طرف سے امداد کی یقین دہانی بھی کرائی۔ ہوائی کے گورنر جوش گرین نے صدر بائیڈن کو بتایا کہ لاپتا افراد کی تلاش کے لیے اب بھی آپریشن جاری ہے اور ہلاکتوں میں اضافے کا خدشہ ہے۔