لندن:علاج کے غرض سے برطانیہ میں موجود قومی کرکٹ ٹیم کے فاسٹ بالر نسیم شاہ کے کندھے کی سرجری مکمل ہوگئی۔
تفصیلات کے مطابق سرجری کے بعد نسیم شاہ کو 4 سے 6ہفتے تک آرام کا کرنے کا مشورہ دیا گیا ہے، ری ہیب مکمل کرنے کے بعد وہ دوبارہ بالنگ شروع کر سکیں گے، انجری کے باعث فاسٹ بالر کو ورلڈ کپ سکواڈ میں بھی شامل نہیں کیا گیا۔
واضح رہے کہ ایشیا کپ میں بھارت کے خلاف میچ کے دوران کندھے کی انجری کا شکار ہونے کے بعد نسیم شاہ ایونٹ سے باہر ہو گئے تھے جس پر ڈاکٹرز نے فاسٹ بالر کی سرجری تجویز کی تھی۔
