پاکستان ٹیسٹ ٹیم کے نئے کپتان شان مسعود نے ٹیسٹ فارمیٹ کے لیے کپتان منتخب ہونے پر پی سی بی کا شکریہ ادا کیا ہے۔
شان مسعود نے کہا کہ پاکستان کے لیے کھیلنا اعزاز کی بات ہے، میں پی سی بی کا شکر گزار ہوں کہ مجھے ٹیم کی قیادت کا موقع دیا۔
انہوں نے کہا کہ ریڈ بال ایک مشکل فارمیٹ ہے، یہ ایک چیلنج ہے اور ہم سب کی ذمہ داری ہے کہ ٹیم کو آگے لے کر چلیں، ہم کرکٹ کا ایسا برانڈ کھیلنا چاہتے ہیں جو ہماری پہچان بن جائے۔
واضح رہے کہ پاکستان کرکٹ ٹیم کے کپتان بابر اعظم نے تینوں فارمیٹس کی کپتانی سے استعفیٰ دے دیا ہے جس کے بعد نئے کپتانوں کا اعلان کردیا گیا ہے۔
پاکستان کرکٹ بورڈ نے شان مسعود کو ٹیسٹ فارمیٹ کا کپتان اور شاہین آفریدی کو ٹی ٹوئنٹی ٹیم کا کپتان مقرر کر دیا ہے۔