اسلام آباد: پاکستان کے مایہ ناز بلے باز بابر اعظم نے چنئی کے چیپاک اسٹیڈیم میں آئی سی سی کرکٹ ورلڈ کپ 2023 کے میچ میں افغانستان کے خلاف اپنی ٹیم کی تاریخی شکست پر کھل کر بات کی۔
ایک انٹرویو میں ہار پر اپنے خیالات کا اظہار کرتے ہوئے بابر اعظم نے کہا کہ یہ شکست ان کے لیے بحیثیت شخص اور بطور کپتان کتنی تکلیف دہ تھی۔
ان کا کہنا تھا کہ تمام اہم میچ ہارنا ٹیم کے لیے مایوس کن تھا، ‘میں بہت تکلیف میں تھا کیونکہ ہماری کارکردگی درست نہیں تھی اور دوسری جانب نے اچھی کرکٹ کھیلی۔’
افغان بلے بازوں کی تعریف کرتے ہوئے بابر اعظم نے کہا کہ پاکستان نے جو ہدف دیا تھا وہ کافی تھا تاہم ان کے بلے بازوں نے اچھی بیٹنگ کی اور ایسا لگتا تھا کہ وکٹیں لینا ناممکن تھا۔
کپتان نے مزید کہا کہ وہ افغانستان کے خلاف ہار کے درد کی وجہ سے پوری رات نہیں سو سکے تاہم “ہر دن اچھا دن نہیں ہوتا اور یہ زندگی کا حصہ ہے”۔
آئی سی سی کرکٹ ورلڈ کپ 2023 کے فکسچر میں پاکستان کو 50 اوور کے فارمیٹ میں پہلی بار افغانستان سے شکست کا سامنا کرنا پڑا۔
