قومی ٹیم کے کپتان بابراعظم نے کہا ہے کہ سیریز ہارنے کا افسوس ہے، سیریز جیت کر ٹی20 ورلڈ کپ میں بلند حوصلوں کے ساتھ جانے کی ضرورت تھی۔
لندن میں میچ کے بعد پریس کانفرنس کرتے ہوئے قومی ٹیم کے کپتان بابر اعظم نے کہا کہ ورلڈ کپ بالکل مختلف گیم ہے اس میں بہتر نتائج دیں گے،امریکہ کی کنڈیشنز سےواقف نہیں،ویسٹ انڈیز کی کنڈیشنز سے بخوبی آگاہ ہیں۔
بابر اعظم کا کہنا تھا کہ اعظم خان سمیت تمام کا انتخاب میرٹ پرہوا،شکست کے بعد سوالات اٹھتے ہیں ،بلاشبہ مڈل اوورز میں بلے بازوں نے ذمہ داری سے بیٹنگ نہیں کی اور وکٹیں گنوائیں، یکے بعد دیگرے وکٹیں گرنے سے بڑا اسکور نہیں کرسکے، بالرز نے بھی اچھی باؤلنگ نہیں کی اور زیادہ رنز دیے۔
انہوں نے مزید کہا کہ سلیکشن کمیٹی کے ساتھ کوچ اور کپتان بھی شامل ہوتے ہیں، ہر کھلاڑی کو میرٹ پرسلیکٹ کیاگیا ،کھلاڑیوں کو ماڈرن کرکٹ کھیلنی پڑے گی، جیت کے لیے اسٹرائیک ریٹ بھی بڑھانا ہوگا۔