امریکی دارالحکومت میں گرمی کی لہر

امریکہ کے دیگر خطوں کی طرح دارالحکومت واشنگٹن ڈی سی بھی ان دنوں گرمی کی لپیٹ میں ہے۔ شہریوں کو موسم کی سختی سے بچانے کے لیے حکومت نے اسپرے پارک پورے ہفتے کھلے رکھنے کا اعلان کیا ہے۔ گرمی میں شہری اسپرے پارکس یا واٹر پارکس کا رخ کر رہے ہیں جہاں وہ خود کو گیلا کرنے کے بعد چند لمحے کا سکون حاصل کرتے ہیں۔ انتظامیہ نے شہریوں کو ٹھنڈے اور سائے دار مقامات پر رہنے کی ہدایت کی ہے۔ امریکہ کی جن ریاستوں میں شدید گرمی پڑ رہی ہیں ان میں ایریزونا، نیو میکسیکو، ٹیکساس، کولوراڈو اور کنساس شامل ہیں۔ رواں ہفتے ان ریاستوں میں درجہ حرارت 40 سے 44 ڈگری سینٹی گریڈ تک ریکارڈ کیا گیا تھا۔