لاہور(این این آئی)چیئرمین پاکستان کرکٹ بورڈ(پی سی بی)محسن نقوی نے کرکٹ کے تمام امور وقار یونس کے حوالے کر دیئے ہیں اور خود کو صرف انتظامی فیصلوں تک محدود کر لیا ہے۔ذرائع کے مطابق سابق کپتان و سابق فاسٹ باؤلر وقار یونس نے بطور ایڈوائزر آف چیئرمین پی سی بی کا چارج سنبھال لیا۔ذرائع کے مطابق وقار یونس کرکٹ کے تمام امور دیکھیں گے، چیئرمین پی سی بی محسن نقوی اب اپنا تمام فوکس انتظامی امور پر رکھیں گے۔یاد رہے کہ چیئرمین پی سی بی محسن نقوی نے کرکٹ کے معاملات سابق کپتان وقار یونس کو سونپنے کا فیصلہ کیا تھا۔
