پشاور(اسپورٹس ڈیسک) صوبائی اسپورٹس ڈائریکٹوریٹ کے زیر انتظام شاہ طہماس فٹ بال اسٹیڈیم میں فٹ بال کے شوقین نوجوانوں میں غیر معمولی اضافہ دیکھنے میں آرہا ہے۔ فٹ بال کوچ کی دوبارہ تقرری نے اکیڈمی میں نئی زندگی پیدا کردی ہے اور کھلاڑیوں کی تعداد مسلسل بڑھ رہی ہیں اس فٹ بال اکیڈمی میں بچوں کی بڑھتی ہوئی تعداد اپنی صلاحیتوں کو نکھارنے کے خواہشمند ہیں۔ڈسٹرکٹ اسپورٹس آفس پشاور کے باہر فٹ بال کے کھلاڑیوں کی بڑھتی ہوئی دلچسپی کو پورا کرنے کے لیے کم عمر کھلاڑیوں کیلئے الگ فٹ بال کوچ صوبائی اسپورٹس ڈائریکٹریٹ بھیجا گیا ہے جبکہ نوجوان کھلاڑیوں کی تربیت کے لیے ایک علیحدہ کوچ سابق فٹ بالر انور خان کو تعینات کیا گیا ہے۔ سابق فٹبالر جمشید کو جمی کوپشاور اسپورٹس کمپلیکس کے بجائے شاہ طہماس اسٹیڈیم میں نوجوان ٹیلنٹ کو پروان چڑھانے کا کام سونپا گیا ہے۔