نائب صدر مسلم لیگ ن و سابق وزیراعلیٰ پنجاب میاں حمزہ شہباز نے پیرس اولمپکس میں گولڈ میڈل جیتنے پر ارشد ندیم کو مبارکباد پیش کی۔
میڈیا رپورٹ کے مطابق قومی ہیرو ارشد ندیم کو مبارکباد پیش کرتے ہوئے کہنا تھا کہ ارشد ندیم نے پیرس اولمپکس میں گولڈ میڈل جیت کر پوری قوم کا سرفخر سے بلند کیا ہے۔
انہوں نے کہا کہ محدود سہولیات کے ساتھ قومی ہیرو نے اولمپکس میں پاکستان کا جھنڈا بلند کیا، محنت لگن اور پاکستان کے لئے کچھ کر گزرنے کے جذبے نے تاریخ رقم کی ہے۔
حمزہ شہباز کا مزید کہنا تھا کہ ارشد ندیم نے نہ صرف گولڈ میڈل جیتا بلکہ اولمپکس میں ریکارڈ بھی قائم کیا، ارشد ندیم پاکستان کی نئی نسل کیلئے ایک زندہ مثال ہیں، شاباش اور شکریہ ارشد آپ نے قوم کو سچی خوشی سے سرشار کیا ہے۔
