راولپنڈی ٹیسٹ میں بنگلادیش کے ہاتھوں پاکستان ٹیم کی شکست کے بعد بابر اعظم کی ٹیسٹ کرکٹ سے ریٹائرمنٹ کی افواہیں سوشل میڈیا پر تیزی سے پھیل گئی ہیں۔
بنگلادیش کے خلاف سیریز میں بابر اعظم کی ناقص کارکردگی نے انہیں شدید تنقید کا نشانہ بنایا، جس کے بعد جعلی پوسٹس کے ذریعے ان کی ریٹائرمنٹ کی خبریں وائرل ہو گئیں۔
میچ ہارنے کے فوراً بعد سوشل میڈیا پر بابر اعظم کی ریٹائرمنٹ کی افواہیں گردش کرنے لگیں۔
ایک ابتدائی پوسٹ نے کرکٹ شائقین کو گمراہ کیا، جس کے بعد ایک پیروڈی اکاؤنٹ سے جعلی ریٹائرمنٹ کا اعلان کیا گیا، جو تیزی سے وائرل ہو گیا اور میڈیا کی توجہ حاصل کر لی۔
بابر اعظم کی ٹیسٹ کرکٹ میں مسلسل ناکامی نے انہیں مزید مشکلات کا سامنا کرایا۔
بنگلادیش کے خلاف دوسرے ٹیسٹ کی دوسری اننگز میں وہ صرف 11 رنز بنا کر آؤٹ ہو گئے۔ وائٹ بال ٹیم کے کپتان بابر اعظم نے 106 ٹیسٹ اننگز میں 331 رنز بنائے ہیں، جن میں کوئی نصف سنچری شامل نہیں ہے۔
سوشل میڈیا پر بعض صارفین بابر اعظم کو ٹیسٹ کرکٹ سے ریٹائرمنٹ کے مشورے دے رہے ہیں۔