کراچی: چیئرمین پاکستان کرکٹ بورڈ محسن نقوی کا آئندہ ہفتے دورہ کراچی کا امکان ہے۔
تفصیلات کے مطابق چیئرمین پی سی بی محسن نقوی آئندہ ہفتے میں کراچی جائیں گے اور اسٹیڈیم میں چیمپئنز ٹرافی کی تیاریوں کاجائزہ لیں گے۔
ذرائع کے مطابق نیشنل اسٹیڈیم کراچی میں چیمپئنز ٹرافی کے لئے تعمیراتی کام جاری ہے، تعمیراتی کاموں کے سلسلے میں انجینئرز چیئرمین پی سی بی کو بریفنگ دیں گے، محسن نقوی کے کراچی دورے پر ہوٹل بنانے پر بھی بات ہوگی۔
بورڈ ذرائع کا کہنا ہے کہ پی سی بی نے لاہور اورکراچی میں ہوٹل بنانے کے لئے غیر ملکی کمپنیوں سے ڈیزائن مانگے ہیں، چیمپئنز ٹرافی کے لئے اسٹیڈیم کی اپ گریڈیشن کے بعدہوٹل کیمنصوبوں پرکام ہوگا۔