ایبٹ آباد (اسپورٹس ڈیسک) ساف انڈر 17 چیمپئن شپ بھوٹان میں شرکت کیلئے قومی ٹیم کی تیاریاں زور و شور سے جاری ہیں۔ ایبٹ آباد کے کنج فٹ بال گرائونڈ میں تربیتی کیمپ میں قومی ٹیم کے 26 ممکنہ کھلاڑی شریک ہیں ، قومی ٹیم کی ایونٹ میں شرکت حکومتی اجازت سے مشروط ہے۔ ساف انڈر17چیمپئن شپ 20 سے 30 ستمبر تک بھوٹان میں کھیلی جائے گی۔ تھمپو میں کھیلی جا نے والے ایونٹ میں قومی ٹیم اپنی مہم کا آغاز نیپال کیخلاف 21 ستمبر کو کریگی۔ 23 ستمبر کو میزبان بھوٹان اور 25 ستمبر کو سری لنکا کے مدمقابل ہوگی۔