پشاور(اسپورٹس ڈیسک):قومی کرکٹ ٹیم کے محمد رضوان کا سٹی ٹریفک پولیس پشاور کے دفتر ٹریفک ہیڈ کوارٹرز کا دورہ کیا۔دورے کے دوران چیف ٹریفک آفیسر سعود خان سے ملاقات کی۔اس موقع پرکرکٹر محمد رضوان کو ڈرائیونگ لائسنس بھی جاری کردیا گیا۔قومی کرکٹ ٹیم کے محمد رضوان نے چیف ٹریفک آفیسر سعود خان کی ہدایت پر شہر میں جاری مہمات اور اس کے ثمرات کو سراہا۔کرکٹر محمد رضوان کا کہنا تھا کہ ڈرائیونگ کے لئے لائسنس کا ہونا انتہائی لازمی ہے سٹی ٹریفک پولیس پشاور کی جانب سے شہریوں کیلئے جاری کردہ گائیڈ لائن پر عملدرآمد سے ہی ٹریفک حادثات پر قابو پایا جا سکتا ہے۔ چیف ٹریفک آفیسر سعود خان نے اس موقع پر کہا کہ سٹی ٹریفک پولیس پشاور شہریوں کو ٹریفک قوانین سے متعلق آگاہ کرنے کے لئے باقاعدہ سیمینارز کا بھی انعقاد کر رہی ہے۔