بیجنگ (اسپورٹس ڈیسک)بھارت نے چین کو شکست دیکر ایشین ہاکی چیمپئنز ٹرافی کا ٹائٹل اپنے نام کرلیا،بھارت کی طرف سے جوگراج سنگھ نے میچ کے 51 ویں منٹ میں واحد گول اسکور کیا، چین کی کوئی ٹیم کوئی گول نہ کرسکی،بھارت 2011، 2016اور 2023میں بھی ایشین چیمپئنز ٹرافی کا ٹائٹل جیت چکا ہے جبکہ 2018میں پاکستان اور بھارت مشترکہ فاتح تھے۔دوسری طرف پاکستان نے جنوبی کوریا کو تیسری پوزیشن کے میچ میں شکست دے کر 8سال بعد ایشین ہاکی چیمپیئنز ٹرافی میں کانسی کا تمغہ حاصل کرلیا،قومی ٹیم نے میچ میں جنوبی کوریا کو5-2 سے شکست دی، پاکستان کی جانب سے سفیان خان اور حنان شاند نے 2,2 گول کیے جبکہ رومان خان نے ایک گول داغا، پاکستان کے سفیان خان کو 2 گول کرنے پر پلیئر آف دی میچ قرار دیا گیا،واضح رہے کہ ایونٹ کے سیمی فائنل میچ میں پاکستان کو میزبان چین کے ہاتھوں شکست کا سامنا کرنا پڑا تھا۔ چین نے پنالٹی شوٹس پر پاکستان کو2-0 سے شکست دی تھی۔