فیصل آباد:چیمپئنز ون ڈے کپ میں ایلیمنیٹر 2 بارش کی نذر ہوگیا، جس نے مارخور کو فائنل میں پہنچا دیا۔
ٹورنامنٹ کے ایلیمنیٹر 2 میں مارخورز اور لائنز نے ایک دوسرے کے مدمقابل میدان میں اترنا تھا، تاہم مسلسل بارش کی وجہ سے میچ کا ٹاس بھی نہیں ہو سکا، جس کے باعث ایلیمنیٹر 2 کو منسوخ کردیا گیا۔
میچ منسوخ ہونے کے بعد لیگ میچز میں پوائنٹس ٹیبل پر مارخورز کی پوزیشن زیادہ بہتر ثابت ہوئی، جس کی وجہ سے اسے چیمپئنز ون ڈے کپ کے فائنل میں رسائی مل گئی۔
واضح رہے کہ پینتھرز کی ٹیم بھی چیمپئنز ون ڈے کپ کے فائنل میں پہنچ گکی ہے۔ دونوں ٹیمیں (مارخورز اور پینتھرز) کے درمیان ایونٹ کا فائنل اتوار کے روز فیصل آباد کے اقبال اسٹیڈیم میں کھیلا جائے گا۔