میڈرڈ (اسپورٹس ڈیسک) اسپینش لالیگا میں ویلریال نے سپینیوئل کو اور ایٹلیٹیکو میڈرڈ نے سیلٹا ویگو کو ہرا کر اپنے اپنے میچ جیت لئے ۔ویلریال نے ہسپانوی فٹ بال لیگ لالیگا کے ایک میچ میں سپینیوئل کی ٹیم کو سخت مقابلے کے بعد 1-2گول سے ہرا دیا جبکہ ایٹلیٹیکو میڈرڈ نیسیلٹا ویگو کو سخت مقابلے کے بعد 0-1 گول سے ہرا دیا۔ فاتح ٹیم ویلریال کی جانب سے دونوں گول ایوز پیریز نے اسکورکیے ۔سپینیوئل کی جانب سے واحد گول جوفری کیریراس نے اسکور کیا۔ اسٹیڈیو ابانکا ،بالائیڈوس، ویگوکے مقام پر کھیلے گئے میچ میں ایٹلیٹیکو میڈرڈ اور سیلٹا ویگو کی ٹیمیں آمنے سامنے تھیں جس میں ایٹلیٹیکو میڈرڈ نیانتہائی سخت مقابلے کے بعد میزبان سیلٹا ویگو کی ٹیم کو 0-1 گول سے ہرا دیا۔ایٹلیٹیکو میڈرڈ کے جولین الواریز نے واحد گول میچ کے اختتامی لمحات میں گول کر کے اپنی ٹیم کی فتح میں کلیدی کردار ادا کیا۔