لاہور(اسپورٹس ڈیسک)ای ایف سی فٹسال لیول ون کوچنگ کورس کا آغاز فٹ بال ہائوس لاہور میں ہوگیا کورس کیلئے 16 کوچز کو منتخب کیا گیا ہے جو 5 اکتوبر تک جاری رہے گا۔ ایشین فٹ بال کنفیڈریشن (ای ایف سی) کے ایلیٹ فٹسال انسٹرکٹر جو ایرانی فٹسال ٹیم کے سابق ہیڈ کوچ بھی رہ چکے ہیں، کی زیر نگرانی کورس کا انعقاد کیا جا رہا ہے۔ ان کی معاونت پی ایف ایف کے فٹسال ہیڈ محمد رضا فاضلی کر رہے ہیں۔ کورس کے پہلے دن ناصر صالح نے اپنے فٹسال کوچنگ کے وسیع تجربے کو بروئے کار لاتے ہوئے پاکستانی کوچز کو ضروری حکمت عملی اور مہارتوں کی تربیت فراہم کی۔ ان کا کہنا تھا کہ میں دوسری مرتبہ پاکستان میں فٹسال لیول ون کورس کروانے آیا ہوں، مجھے امید ہے کہ شرکا فٹسال کے بارے میں بھرپور علم حاصل کریں گے۔