شارجہ:ویمنزٹی20ورلڈ کپ میں آسٹریلیا نے سری لنکا کو 6 وکٹوں سے شکست دے دی۔
خبر رساں ایجنسی کے مطابق آئی سی سی ویمنز ٹی 20 ورلڈ کپ کا پانچوااں میچ شارجہ میں کھیلا گیا، جس میں آسٹریلیا نے سری لنکا کو 6 وکٹوں سے ہرا دیا۔ آسٹریلیا نے سری لنکا کا دیا ہوا 94 رنز کا آسان ہدف 14.2 اوورز میں مکمل کرلیا اور اس کی 4 وکٹیں ضائع ہوئی تھیں۔
قبل ازیں سری لنکن ٹیم نے ٹاس جیت کر پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 93 رنز بنائے تھے۔
سری لنکا کی ٹورنامنٹ میں مسلسل دوسری شکست ہے۔ اس سے قبل پاکستان نے سری کو پہلے میچ میں 31 رنز سے ہرایا تھا۔