کراچی(اسپورٹس رپورٹر)پاکستان کرکٹ ٹیم کپتان فہیم اشرف کی قیادت میں ہانگ کانگ سکسز ٹورنامنٹ کیلئے ہانگ کانگ کیلئے روانہ ہوگئی۔ٹیم میں آصف علی، عامر یامین، دانش عزیز، حسین طلعت، شہاب خان اور محمد اخلاق شامل ہیں۔ہانگ کانگ سکسز ٹورنامنٹ کل سے 3 نومبر تک کھیلا جائے گا، ایونٹ میں شریک 12ٹیموں کو 4 گروپس میں تقسیم کیا گیا ہے، پاکستان ٹیم پول سی میں بھارت اور یو اے ای کے ساتھ شامل ہے۔ کل پاکستان ٹیم پہلا میچ یو اے ای اور دوسرا میچ بھارت سے کھیلے گی، ہر گروپ کی 2 ٹاپ ٹیمیں کوارٹر فائنل کیلئے کوالیفائی کریں گی، کوارٹر فائنل 2 نومبر کو جبکہ سیمی فائنل اور فائنل 3 نومبر کو ہوں گے۔