میلبرن (اسپورٹس ڈیسک) پاکستان ، آسٹریلیا وائٹ بال سیریز کے سلسلے میں گزشتہ روز قومی ٹیم کے کھلاڑیوں نے ملبرن میں نیٹ پریکٹس میں حصہ لیا جس میں بیٹنگ ، بولنگ اور فیلڈنگ میں خامیوں کو دور کیا گیا۔ بابر اعظم ، حارث رئوف ، شاہین شاہ آفریدی ، نسیم شاہ ، عرفان خان ، فیصل اکرم اور محمد حسنین نے پریکٹس سیشن میں حصہ لیا۔ آسٹریلیا پہنچنے والے کھلاڑیوں کے دوسرے گروپ نے آرام کیا۔ قومی ا سکواڈ کے تمام اراکین آج ملبرن کرکٹ گرائونڈ میں ٹریننگ کریں گے۔