اسلام آباد : پاکستان کے سابق لیجنڈری فاسٹ باؤلر وسیم اکرم نے پاکستان کی کرکٹ کی شاندار تاریخ میں سے اپنے تین پسندیدہ کرکٹرز کا انتخاب کیا ہے۔
پاکستان کے سابق فاسٹ باؤلر وسیم اکرم سے پسندیدہ کھلاڑیوں کے بارے میں پوچھے گئے سوال کے جواب میں انہوں نے کہا کہ پاکستان کی تاریخ میں میری نظر میں صرف تین کھلاڑی ہیں جن کا انتخاب میرے لیے باعث فخر ہے کیونکہ یہ تینوں عظیم کھلاڑیوں میں شامل ہوتے ہیں ۔
اپنے پہلے انتخاب کے لیے سابق لیجنڈری باؤلر نے پاکستان کے ورلڈ کپ جیتنے والے کپتان عمران خان کو منتخب کیا ۔ انہوں نے عمران خان کی بطور آل راؤنڈر شاندار کارکردگی کو سراہا اور انہیں ایان بوتھم، رچرڈ ہیڈلی اور کپل دیو جیسے عظیم آل راؤنڈرز کے دور کا حصہ قرار دیا۔
دوسرے نمبر پر وسیم اکرم نے معروف کرکٹ کھلاڑی مائیکل وان کے نقش قدم پر چلتے ہوئے پاکستان کے معروف بیٹسمین جاوید میانداد کو منتخب کیا۔ انہوں نے جاوید میانداد کی پاکستان کرکٹ کے لیے غیرمعمولی خدمات کو سراہا اور کہا کہ جاوید میانداد کا نام کرکٹ کے عظیم کھلاڑیوں میں ہمیشہ شامل رہے گا۔
وسیم اکرم کا کہنا تھا کہ دوسرے نمبر پر عظیم کھلاڑی جاوید میانداد ہیں ۔ میرا مطلب ہے، جب بھی آپ پاکستان سے آنے والے عظیم کھلاڑیوں کا ذکر کریں گے، تو جاوید میانداد کا نام ہمیشہ اوپر ہوگا۔
تیسرے نمبر پر وسیم اکرم نے اپنے طویل مدتی ساتھی وقار یونس کو منتخب کیا اور کہا کہ پاکستان کے عظیم کھلاڑیوں کی کسی بھی فہرست سے وقاریونس کو نکالنا ناممکن ہے۔
انہوں نے کہا کہ دیکھیں مجھے بتایا گیا کہ میں شاید اسکرپٹ سے ہٹ جاؤں گا ۔ مجھے خود کو منتخب کرنے کا کہا گیا، جو میرے لیے کچھ شرمندگی کا باعث ہے، مگر تیسرے نمبر پر میں وقار یونس کو منتخب کرتا ہوں۔