سابق کرکٹر و کپتان اظہر علی کو پاکستان کرکٹ بورڈ (پی سی بی) کے یوتھ ڈیولپمنٹ کا سربراہ مقرر کردیا گیا۔
پاکستن کرکٹ بورڈ (پی سی بی) کے مطابق یہ رول سابق کرکٹر و کپتان اظہر علی کی موجودہ ذمہ داریوں کی توسیع ہوگی، اس وقت وہ قومی سلیکشن کمیٹی کے رکن کے طور پر بھی کام کر رہے ہیں، ان کی تقرری ریکروٹمنٹ کے عمل کے مطابق کی گئی ہے۔
اظہر علی نے کہا کہ میں اس اہم کردار کو نبھانے پر فخر محسوس کرتا ہوں اور ُپرجوش ہوں، ہمارا مقصد ٹیلنٹ کی شناخت کرنا اور انہیں اعلیٰ ترین سطح پر بہترین کارکردگی کے تمام لوازمات سے آراستہ کرنا ہے، میں کلب اور ڈومیسٹک کرکٹ کھیلنے کے بعد یہ سمجھتا ہوں کہ مستقبل کے اسٹارز کی تشکیل میں گراس روٹ کی ترقی کا اہم کردار ہے۔
واضح رہے کہ سابق کپتان اظہر علی نے 2010 سے 2022 تک کے کریئر میں 97 ٹیسٹ اور 53 ون ڈے میں پاکستان کی نمائندگی کی ہے۔
