ابوظبی میں پاکستانی سفارتخانے نے پاسپورٹ سروس عارضی طور پر معطل کرنے کا اعلان کیا ہے۔
سفارت خانے کے مطابق یہ اقدام تکنیکی خرابی کے باعث کیا گیا ہے جس کی وجہ سے پاسپورٹ کی پراسیسنگ فی الحال روک دی گئی ہے۔
ترجمان کے مطابق سروس بحالی تک شہریوں کو پاسپورٹ کے لیے آن لائن درخواست دینے کی ہدایت کی گئی ہے تاکہ ان کے معاملات میں تاخیر کم سے کم ہو سکے۔
سفارتخانے نے یقین دہانی کرائی ہے کہ تکنیکی مسئلہ حل ہوتے ہی سروس کو دوبارہ بحال کر دیا جائے گا۔