ہنان : چین کے صوبے ہنان میں آتش بازی کا سامان بنانے والی ایک فیکٹری میں دھماکے کے نتیجے میں 21 افراد ہلاک اور 61 زخمی ہو گئے۔
چین کے سرکاری میڈیا کے مطابق دھماکہ گزشتہ روز لیو یانگ شہر کی فیکٹری میں ہوا جسے آتش بازی کی صنعت کا ایک اہم مرکز سمجھا جاتا ہے۔جہاں دھماکوں کی آوازیں دور دور تک سنی گئیں اور دھماکوں کے بعد آسمان پر دھویں کے بادل بھی دیکھے گئے۔
صدر شی جن پنگ نے واقعے کی مکمل تحقیقات کا حکم دیا ہے جبکہ حکام نے کمپنی کے ذمہ دار شخص کو حراست میں لیکر حادثے کی وجوہات جاننے کے لیے تحقیقات شروع کر دی ہیں۔
شی جن پنگ نے افسوسناک واقعے کی فوری تحقیقات اور ذمہ داروں کے تعین کرنے کا حکم دیتے ہوئے ہدایت کی کہ اہم صنعتوں میں خطرات کی نشاندہی اور کنٹرول کو مزید مؤثر بنایا جائے تاکہ عوام کی جان و مال کا تحفظ یقینی بنایا جا سکے۔
