کوئٹہ: محکمہ ریلوے نے آج بھی کوئٹہ سے ٹرین سروس معطل رکھنے کا فیصلہ کیا ہے۔
ریلوے حکام کے مطابق پشاور جانے والی جعفر ایکسپریس آج روانہ نہیں ہوگی، جبکہ پشاور سے کوئٹہ آنے والی جعفر ایکسپریس کو جیکب آباد سے واپس بھیج دیا جائے گا۔
حکام کا کہنا ہے کہ بلوچستان میں گزشتہ دو روز سے ٹرین سروس بند ہے اور یہ فیصلہ ناگزیر وجوہات کے باعث کیا گیا ہے۔
ریلوے حکام کے مطابق کراچی جانے والی بولان میل اور چمن پسنجر ٹرین پہلے ہی معطل کی جا چکی ہیں۔
