ملک بھر میں گرمی کی لہر،کراچی میں آج موسم کیسا رہےگا؟

کراچی: محکمۂ موسمیات نے آئندہ 24 گھنٹوں کے دوران شہر میں گرم اور مرطوب موسم رہنے کی پیشگوئی کی ہے۔

محکمۂ موسمیات کے مطابق گزشتہ 24 گھنٹوں کے دوران شہر کا کم سے کم درجۂ حرارت 30 ڈگری سینٹی گریڈ ریکارڈ کیا گیا۔

محکمۂ موسمیات کا کہنا ہے کہ آج زیادہ سے زیادہ درجۂ حرارت 35 سے 37 ڈگری سینٹی گریڈ تک جانے کا امکان ہے۔

محکمۂ موسمیات کے مطابق صبح کے وقت ہوا میں نمی کا تناسب 75 فیصد ریکارڈ کیا گیا۔