لاہور: محکمہ موسمیات نے پیشگوئی کی ہے کہ آج سے 5 جون تک پنجاب کے بیشتر اضلاع میں آندھی اور بارش کا امکان ہے۔
محکمہ موسمیات کے مطابق مغربی ہواؤں کا نیا سلسلہ آج ملک کے بالائی علاقوں میں داخل ہوگا، جس کے اثرات کے باعث پنجاب کے مختلف علاقوں میں بارش متوقع ہے۔
محکمے کا کہنا ہے کہ بعض مقامات پر موسلا دھار بارش اور ژالہ باری بھی ہو سکتی ہے، جس سے معمولاتِ زندگی متاثر ہونے کا خدشہ ہے۔
دوسری جانب خیبر پختونخوا میں شدید گرمی کے باعث گلیشیائی جھیلوں کے پھٹنے اور ممکنہ سیلابی صورتحال کا خطرہ ظاہر کیا گیا ہے۔
اس حوالے سے پی ڈی ایم اے نے چترال، دیر، سوات، کوہستان اور مانسہرہ کے لیے الرٹ جاری کر دیا ہے۔
