بالی ووڈ کے لیجنڈری اداکار امیتابھ بچن نے شادی شدہ مردوں کو دلچسپ مشورہ دیا ہے۔
مشہور بھارتی ٹی وی پروگرام کے ایک حالیہ ایپی سوڈ میں امیتابھ بچن نے ایک امیدوار کی جانب سے اپنی اہلیہ سے متعلق اہم تاریخیں یاد رکھنے پر اس کی تعریف کی جس کے بعد انہوں نے شوہروں کو بھی مزاحیہ انداز میں خبردار کر دیا۔
امیتابھ بچن نے کہا کہ ’’تمام شوہر غور سے سنیں، جس دن آپ کی شادی ہوئی تھی، دنیا کی باقی تمام تاریخیں بھول جائیں لیکن وہ تاریخ کبھی نہ بھولیں۔ بیویاں اکثر پوچھتی ہیں کہ کیا آپ کو یاد ہے ہماری شادی کب ہوئی تھی؟ اگر شوہر نے غلط تاریخ بتا دی تو جوتے، چپل اور بیلن سمیت کچھ بھی اس کی جانب آسکتا ہے۔‘‘
View this post on Instagram
اداکار نے اپنی اہلیہ جیا بچن کے ساتھ گھریلو زندگی کے بارے میں بھی بات کی اور بتایا کہ اگر کام کی وجہ سے انہیں رات کے کھانے میں دیر ہونے والی ہو تو وہ پہلے ہی گھر والوں کو آگاہ کر دیتے ہیں تاکہ بعد میں سوالات کا سامنا نہ کرنا پڑے۔
واضح رہے کہ امیتابھ بچن اور جیا بچن نے 1973 میں شادی کی تھی اور دونوں کی شادی کو کئی عرصہ گزر چکا ہے۔
