خیبر ٹیچنگ اسپتال میں بزرگ شہریوں کے لیے او پی ڈی اور ایمرجنسی میں مفت ٹیسٹ کی سہولت معطل کر دی گئی۔
قائم مقام اسپتال ڈائریکٹر کی جانب سے جاری آفس آرڈر جاری کر دیا گیا۔
مراسلے میں لکھا ہے کہ اسپتال میں بزرگ شہریوں کے لیے او پی ڈی اور ایمرجنسی ڈیپارٹمنٹ میں مفت تشخیصی ٹیسٹ کی سہولت عارضی طور پر معطل رہے گی، سہولت کی معطلی کا فیصلہ بورڈ آف گورنرز سے باقاعدہ پالیسی کی منظوری تک نافذ العمل رہے گا۔
ایمرجنسی ڈیپارٹمنٹ میں بنیادی نوعیت کے بعض ٹیسٹ بدستور مفت کیے جا سکیں گے۔
مراسلے کے مطابق صرف ای سی جی، آر بی ایس، سی بی سی، یورین آر ای، یورین اور کریاٹینین کے ٹیسٹ ایمرجنسی میں مفت ہوں گے۔
