26 نومبر احتجاج کیس میں وزیر اعلیٰ خیبر پختونخوا سہیل آفریدی سمیت دیگر کے دوبارہ وارنٹ گرفتاری جاری کردیے گئے۔
انسداد دہشت گردی عدالت میں کیس کی سماعت جج طاہر عباس سپرا نے کی، عدالت کو بتایا گیا کہ پولیس کی جانب سے کیس کا چالان تاحال پیش نہیں کیا جا سکا جس پر عدالت نے برہمی کا اظہار کرتے ہوئے جلد چالان جمع کرانے کی ہدایت دی۔
عدالت نے سہیل آفریدی سمیت دیگر کے دوبارہ وارنٹ گرفتاری جاری کرتے ہوئے کیس کی مزید سماعت 9 اکتوبر تک ملتوی کر دی۔
واضح رہے کہ پی ٹی آئی رہنماؤں اور کارکنان کے خلاف تھانہ مارگلہ میں مقدمہ درج ہے۔
