مرکزی حکومت نے نئے ٹول پاس کا اعلان کیا ہے۔ یہ سالانہ پاس قومی شاہراہ ٹول پلازہ کے بیس کلومیٹر کے دائرے میں رہنے والے رہائشیوں کے لیے ہے۔ یہ ٹول پاس یکم نومبر سے جاری کیا جائے گا۔ اس پاس کے تحت، ٹول پلازہ کے بیس کلومیٹر کے دائرے میں رہنے والے رہائشی اس سالانہ پاس کوپندرہ سو روپے میں خرید سکیں گے۔آپ کے مقام کے لحاظ سے اس پاس کی قیمت پندرہ سو روپےسے تین ہزار روپے تک ہو سکتی ہے۔ سڑک ٹرانسپورٹ اور شاہراہوں کی وزارت نے اس تبدیلی کی اطلاع دیتے ہوئے ایک نوٹیفکیشن جاری کیا ہے۔
روڈ ٹرانسپورٹ اور ہائی ویز کے وزیر نتن گڈکری نے ٹویٹر پر اس کے بارے میں پوسٹ کیا۔ انہوں نے لکھا، "زندگی کو آسان بنانے کی طرف ایک اہم قدم! 1 نومبر 2026 سے، قومی شاہراہ ٹول پلازہ کے 20 کلومیٹر کے دائرے میں رہنے والے اہل غیر تجارتی گاڑیوں کے مالکان ‘رعایتی لوکل پاس’ کا فائدہ اٹھا سکیں گے۔”قواعد کے تحت، صرف قومی شاہراہ ٹول پلازہ کے بیس کلومیٹر کے دائرے میں رہنے والے نجی گاڑیوں کے مالکان ہی اس پاس کے اہل ہوں گے۔
یہ پاس صرف نامزد ٹول پلازہ کے لیے درست ہوگا۔ کسی بھی ٹول پلازہ پر اس کے استعمال کی ضمانت نہیں ہے۔ حکومت نے اس مقصد کے لیے دو پاسوں کا اعلان کیا ہے۔ میونسپل یا مقامی ٹاؤن کی حدود سے باہر واقع ٹول پلازوں کے پاس کی قیمت پندرہ سو روپے ہوگی۔میونسپل یا مقامی ٹاؤن کی حدود میں واقع ٹول پلازوں کے سالانہ پاس کی لاگت تین ہزار وپے ہوگی۔ یہ تبدیلیاں یکم نومبر 2026 سے نافذ العمل ہوں گی۔ اب سوال یہ ہے کہ یہ اسکیم کہاں لاگو نہیں ہوتی۔ یہ سہولت قومی شاہراہوں یا ایکسپریس ویز پر دستیاب نہیں ہوگی۔
