کولمبو (آئی این پی) سری لنکا کے حالیہ انتخابات میں کامیاب ہونے والے نئے صدر گوٹابایا راجہ پکسے نے اپنے بڑے بھائی اور اپوزیشن لیڈر مہندا راجہ پکسے کو نیا وزیراعظم نامزد کردیا۔ انہوں نے اپنے بڑے بھائی سے خود حلف لیا۔ سری لنکا کی تاریخ میں یہ پہلا موقع ہے کہ صدر اور وزیراعظم کے عہدے دو سگے بھائیوں کے پاس چلے گئے ہیں۔ سری لنکا کے موجودہ وزیراعظم رنیل وکرما سنگھے نے گزشتہ روز اپنے عہدے سے دستبرداری کا اعلان کردیا تھا اور نئے وزیراعظم نے اسی روز شام کو حلف اٹھایا۔
