گجرات: گھر میں آتشزدگی سے ماں اور 5 بچے جاں بحق

گجرات (صباح نیوز) گجرات کے علاقے تھانا ککرالی کے گائوں گوچھ میں ایک گھر میں آگ لگ گئی، جس کے نتیجے میں ماں اور 5 بچوں سمیت 6 افراد جھلس کر جاں بحق ہو گئے، آگ شارٹ سرکٹ کے باعث لگی۔ ڈی ایس پی گجرات کے مطابق مرحوم امانت علی کے گھر میں لگنے والی آگ سے جاں بحق ہونے والوں میں بیوہ نسیم بی بی، ان کے معذور بیٹے 30 سالہ کاشف اور 25 سالہ فیصل اور بیٹیاں طیبہ، زوبیہ اور مدیحہ شامل ہیں۔ لاشیں اسپتال منتقل کر دی گئی ہیں جبکہ آگ لگنے کی وجوہات جاننے کی کوشش کی جا رہی ہے۔ مقامی لوگوں کے مطابق آگ شارٹ سرکٹ کے باعث لگی۔