اسلام آباد(مانیٹرنگ ڈیسک) ایف بی آر نے وفاقی بجٹ2020-21میں انکم ٹیکس کا دائرہ نئے شعبوں تک بڑھانے اور انکم ٹیکس گزاروں کی تعداد بڑھانے کیلئے ملک بھر کے چیمبر آف کامرس ، بزنس کونسلوں، سٹاک ایکسچینج، ریٹیلرز ایسوسی ایشن، ٹیکس بار ایسوسی ایشن اور ٹیکسٹائل ملز ایسوسی ایشن سے تجاویز7فروری2020تک طلب کر لی ہیں۔ٹیکسوں کا بوجھ تمام شعبوں پر منصفانہ انداز میں تقسیم کرنے اور کاروبار میں آسانی کیلئے بھی تجاویز طلب کرلی گئی ہیں۔
