ضلع خیبر کے جنگلات میں آگ لگ گئی

ضلع خیبر کی وادی تیرہ میں بازگڑھ کے پہاڑوں پر بھی جنگلات میں آگ لگ گئی۔ ریسکیو حکام کے مطابق آگ نے جنگل کے چار کلو میٹر کے علاقے کو لپیٹ میں لیا ہوا ہے، آگ تیزی سے پھیل رہی ہے، قابو پانے میں مشکلات ہیں۔
حکام کا کہنا ہے کہ ایف سی، ریسکیو اور محکمہ جنگلات کی ٹیمیں آگ بجھانے میں مصروف ہیں، قریبی آبادی کو محفوظ مقام پر منتقل کردیا گیا ہے۔
ریسکیو حکام نے کہا کہ آگ گزشتہ روز دوپہر میں لگی تھی، آگ لگنے کی وجہ تاہم معلوم نہیں سکی۔