سابق وزیراعلیٰ پنجاب چوہدری پرویز الہٰی نے پیپلز پارٹی میں شامل ہونے کی خبروں کو مسترد کر دیا ہے۔
لاہور میں ایک شادی کی تقریب کے دوران غیر رسمی گفتگو میں جب صحافی نے ان سے پی ٹی آئی چھوڑنے سے متعلق سوال کیا تو انہوں نے واضح کیا کہ پیپلز پارٹی میں شمولیت کی خبریں بے بنیاد ہیں۔
پرویز الہٰی نے مزید کہا کہ وہ اپنی جماعت کے صدر ہیں اور پی ٹی آئی کا ہی حصہ رہیں گے، جبکہ پیپلز پارٹی میں شامل ہونے سے متعلق افواہوں میں کوئی حقیقت نہیں۔
