سندھ اور جنوبی بلوچستان کے مختلف اضلاع میں آج شدید گرمی کی لہر برقرار رہنے کا امکان ہے۔
محکمہ موسمیات کے مطابق دوپہر کے بعد کشمیر، پوٹھوہار اور شمال مشرقی بلوچستان میں مطلع جزوی طور پر ابر آلود رہ سکتا ہے۔
دوسری جانب پنجاب کے چند علاقوں میں آندھی اور گرج چمک کے ساتھ بارش کی پیشگوئی بھی کی گئی ہے۔
محکمہ موسمیات کے اعداد و شمار کے مطابق گزشتہ روز سب سے زیادہ درجہ حرارت سبی اور تربت میں 49 ڈگری سینٹی گریڈ ریکارڈ کیا گیا۔
اسی طرح شہید بینظیر آباد اور نوکنڈی میں 47، سکھر میں 43، حیدرآباد، ڈیرہ غازی خان اور ڈیرہ اسماعیل خان میں 41، ملتان میں 39، پشاور اور مظفرآباد میں 38، کراچی میں 37، کوئٹہ میں 36، گلگت میں 35، اسلام آباد میں 33 اور لاہور میں 30 ڈگری سینٹی گریڈ زیادہ سے زیادہ درجہ حرارت ریکارڈ کیا گیا۔
