امریکی صدر ڈونلڈ ٹرمپ پر قاتلانہ حملے کے بعد ملتوی کیے گئے وائٹ ہاؤس پریس عشائیے کے 24 جولائی کو دوبارہ انعقاد کا اعلان کر دیا گیا ہے۔
امریکی ذرائع ابلاغ کے مطابق صدر ٹرمپ نے اس تقریب میں شرکت کی دعوت قبول کر لی ہے۔
صدر ٹرمپ کا کہنا ہے کہ انتہا پسند عناصر کو اپنی طرزِ زندگی یا معمولات تبدیل کرنے کی اجازت نہیں دی جا سکتی۔
انہوں نے کہا کہ فی الحال یہ نہیں کہا جا سکتا کہ وہ تقریب میں پہلے جیسی سخت گفتگو کریں گے یا نہیں، تاہم اس بارے میں جلد صورتحال واضح ہو جائے گی۔
صدر ٹرمپ کے مطابق یہ تقریب پنسلوانیا ایونیو پر واقع والڈورف آسٹوریا کے عظیم الشان ہال میں منعقد ہوگی، جس کی تعمیر ان کی نگرانی میں ہوئی تھی۔
واضح رہے کہ اپریل میں واشنگٹن میں وائٹ ہاؤس کے ذرائع ابلاغ کے نمائندوں کے اعزاز میں دیے گئے عشائیے کے دوران فائرنگ کا واقعہ پیش آیا تھا۔ اس موقع پر صدر ٹرمپ محفوظ رہے جبکہ حملہ آور کو گرفتار کر لیا گیا تھا۔
