کوئٹہ: وزیراعلیٰ بلوچستان سرفراز بگٹی نے لیڈی ڈاکٹر کو تیزاب حملے سے بچانے کے دوران زخمی ہونے والے سنڈیمن اسپتال کے ملازم عبدالرزاق ترکئی سے ٹیلیفون پر رابطہ کرکے ان کی بہادری کو سراہا۔
ٹیلیفونک گفتگو کے دوران عبدالرزاق ترکئی نے وزیراعلیٰ کو پیش آنے والے واقعے کی تفصیلات سے آگاہ کیا۔
سرفراز بگٹی نے ان کے جرات مندانہ اقدام کی تعریف کرتے ہوئے کہا کہ آپ نے اپنی جان کی پروا کیے بغیر ایک انسان کی جان بچانے کی کوشش کی، جس پر پوری قوم کو فخر ہے۔
وزیراعلیٰ بلوچستان نے یقین دہانی کرائی کہ عبدالرزاق ترکئی کے علاج معالجے کے تمام اخراجات حکومت بلوچستان برداشت کرے گی۔
واضح رہے کہ عبدالرزاق ترکئی لیڈی ڈاکٹر ماہنور کو تیزاب حملے سے بچانے کی کوشش کے دوران جھلس گئے تھے۔
